يا بنت حنا بدو

من طرف **الفيلسوف** السبت سبتمبر 22, 2007 1:11 pm

عليكم وأقولكم هذي القصيدة

ما بغي أطول عليكم

يلا أجل ألاقيكم بعد القصيدة بالتوفيق

ياللي على وجهي قريتي كل صفحات الشقى

أقري وانا بكتب قصيده واشعل الساحه حريق

باقي كثر ماراح واللي راح نصف اللي بقى

وان ماوصلت لغايتي باموت في نصف الطريق

يابنت يوم أمطر غلاك بقلب ضيدان وسقى

تدرين وش سبة شقاه وسبة الجرح العميق

شقاه من يمناه واسم الشيخ والنفس أمحقى

والجرح منك ياأعذب العذبات يالموت الرقيق

يابنت مادام البدو تخلف هقاوي من هقى

وانا بدوي مني يشيل من الزمن مالا يطيق

ابفتخر حنا بدو نعشق على وضح النقا

حنا بدو فينا الولد للقمة العليا عشيق

حنا بدو فينا الولد لو شاف موته ماأتقى

حنا بدو فينا الولد يرقا ولو ماله رفيق

حنا بدو فينا الولد لامن رقا .رقا .رقا

الين يوصل غايته لو كان في قمة طويق

يابنت جيتك والثمن عمري ابي ليلة لقا

يما كذا والا بلاش من الصداقة والصديق

وساعة تبسمتي وشفت الجمر والثلج أصدقا

قلت أشهد ان الموت حق وصحت لك صيحة غريق

وأعتقت دمعي والزعل والحزن لرضاك أعتقا

وأغفت عيوني في عيونك ياعساها ماتفيق

وامنت باللي سخرك تقرين صفحات الشقى

واشعلت بردي في دفاك وشبت الساحه حريق

عسى بس ما طولت عليكم

تحياتــــــــــــــــــــــــــــــــــــــي ......